Description
Tsi̍t tiâu suànn, nn̄g tiâu suànn, tsa̍p tiâu suànn, pah tiâu suànn.
一條線、兩條線、十條線、百條線。
Ka-lé-ang-á ê ūn-miā, tiâu-tiâu tio̍h khò lâng lâi puann.
傀儡尪仔的運命，條條著靠人來搬。
Kám-tsîng suànn, sìnn-miā suànn, sū-gia̍p suànn, tì-huī suànn.
感情線、性命線、事業線、智慧線。
Lí kap guá ê ūn-miā, kám sī siang-tshiú piànn ē iânn?
你佮我的運命，敢是雙手拚會贏？
Ka-lé-ang-á, ka-lé-ang-á, lán kám m̄ sī ka-lé-ang-á?
傀儡尪仔，傀儡尪仔，咱敢毋是傀儡尪仔？
Pi-huann lî-ha̍p lân kái-piàn, sîng-kong sit-pāi bô it-tīng.
悲歡離合難改變，成功失敗無一定。
Sóo-ū ê tāi-tsì, sóo-ū ê sim-tsîng, lóng-tsóng ū kuí tiâu suànn? Khan-liân tio̍h lán ê it-sing.
所有的代誌，所有的心情，攏總有幾條線？牽連著咱的一生。
Login to comment